IRURAIZ-GAUNAko IBILBIDEAK

NW gune honen ekialdeko partean Nordic walking ibilbide interesgarri hau aurkitzen dugu, teknika hobetzeko lur mota ezberdinetan praktikatu nahi duten hasiberrientzat aproposa. Alaitzatik irtenda, herriaren hego-mendebaldean hasten den bidetik, ureztatzeko putzu batera doan lursail-bidetik abiatuko gara basoan barrena, ur biltegira jaisten gaituen pistatik jarraitzeko. Minutu gutxiren buruan helmugara eramaten gaituzten azken pauso erosoei aurre egitea besterik ez da geratzen.

Ibilbide eroso eta erraza. Arrieta herritik abiatuta, Ezkerokotxara eramaten gaitu ibilbideak ekialderantz hasten den lursail-bide batetik. Pista Ezkerokotxarako sarbidean dagoen errepidean bukatzen da, eta bertatik jarraituko dugu. Herrigunea zeharkatu ondoren, bideak eskuinera egiten du eta zereal-laboreen artean doan partzelaria batetik doa, Arrietako azken punturaino ailegatu arte.

Ibilbide zirkular honek Gauna udalerriko eta inguruan dauden hainbat herrigunetara hurbiltzen gaitu, distantzia erlatibo txikian. Ezkerekotxatik abiatuta, hegoalderantz abiatuko da Txintxetruren bila, Langarikarantz jarraitzeko. A-4111 errepidean zehar, ibilbideak Gazeora eramango gaitu eta azken pausoak azken punturaino ematen ditu laborantza lursailen arteko pista batetik. Abiadura eta erritmoa areagotu nahi duten hasiberrientzako ibilbidea.

Azilu herrian dago ibilbide honen hasiera, Txintxetrurantz doana hasierako partean. Jarraian, ibilbideak ekialderantz jotzen du, hegoalderantz doan bidea bilatuz, eta horrela Gereñu herrira iristeko. Herrigunea zeharkatu ostean, A-3110 errepidetik metro batzuetan jarraitzen du, baina ibilbideak berehala Jauregi aldera desbideratu eta partzela-bide batetik Adanaraino jarraitzen du. Azkeneko pausuak ematea falta dira bakarrik gertu dagoen Azilu herrira hurbiltzeko.