LAGRÁNgo IBILBIDEAK

Ibilbide zirkular sinplea, Lagran herriaren erdigunetik “El Cerro” izeneko mendirantz abiatzen dena. A-3130 errepidea hartuko dugu Urizaharrerantz. Handik gutxira errepidearen ezkerraldean agertzen den bide bat hartuko dugu laborantza soroen artean ibiltzeko. Ibilbidea maldan gora jarraituko dugu, pagadi batean sartuz. El Cerro mendia inguratuko dugu eta balio ekologiko handikotzat jotzen den Lagrango ureztatzeko putzuaren ondotik pasatuko gara, eta gero partzelaria artean itzuliko gara Lagran herrira.

Ibilbide zirkular honek bere lehen zatian, martxa nordikoko ibilbide berdearen urratsak jarraitzen ditu, Salmuera izeneko ureztatzeko putzura iritsi arte. Hemendik bideak teileria zahar batera doa. “La Junta” eremuaren altueran GR-1 ibilbide Historikoa hartuko dugu, eta baso atsegin baten itzalpean ibiliko gara. Laster GR1tik irtengo gara “El Depósito” eremurantz jaisten jarraitzeko. Hemendik aurrera laborantza soroak ugariagoak dira eta laster Lagran herrira itzuliko gaituen Biasteri bidearekin topo egingo dugu.

Zailtasun gutxiko ibilbide zirkular honek martxa nordikoko ibilbide urdina jarraitzen du bere lehen zatian. “Estillar” eremutik gutxira, ibilbide hau bide urdinetik aldentzen da GR-1eko urratsak jarraitzeko. Ibilbidea baso atsegin baten gerizpean jarraituko dugu eta pasako gara San Bartolome sakanetik, San Juan iturritik eta Goikozabala Rasatik, denak Kantabriako mendilerroaren iparraldeko isurialdean. Laster GR-1 ibilbidea alde batera utziko dugu ezkerretara dagoen Putzua – Guarda bidera joateko. Ondoren, bideak ezkerrera hartuko du Villaverde herrira iristeko. Ibilbidearen azken zatia laborantza soro eta lursailen artean doa Lagran herrira itzultzeko.

Ibilbide zaila luzera eta desnibelagatik. A-3130 errepidea hartuko dugu Urizaharrerantz. Handik gutxira errepidearen ezkerraldean agertzen den bide bat hartuko dugu laborantza soroen artean ibiltzeko. Ibilbidea maldan gora jarraituko dugu, pagadi batean sartuz eta balio ekologiko handikotzat jotzen den Lagran ureztatze-putzua inguratuz. “La Tejera” eta “Los Portillos” parajeetatik igaroz, ibilbideak GR1-Ibilbide Historikoarekin bat egiten du Pipaón hiribildutik gertu eta GR1etik jarraituz A-3130 errepidearekin topo egin arte. Errepidea hartuko dugu eskuinerantz Mojón de las Cruces aldera. Udal-mugan zehar ibiliko gara Jaunden mendirantz eta Barrancogrande eremurantz basoaren itzalpean jarraitzeko, ondoren tarte labur batean hartuko dugu Laño bidea. Lagran aldera jaitsi beharrean, desbideratu gabe jarraituko dugu A-3132 errepidearekin topo egin arte, hau gurutzatu golf zelaia inguratzeko. Hemendik Villaverde herrira jaitsiko gara, eta herria gurutzatu ondoren partzela-bideen artean jarraituko dugu Lagran herrirantz.