BERMEOko IBILBIDEAK

Ibilbide zirkular erraza, martxa nordikoaren teknikan hasi nahi duten pertsonentzat aproposa. Ibilbidea Bermeoko portutik abiatzen da hego-ekialdera joateko. Pixkanaka herritik urrunduko gara Demiku auzorantz, aldi berean belardi eta labore atlantikoen paisaia tipikoa ezagutuz.

Bermeoko portutik abiatzen den 7 km-ko ibilbide zirkularra. Ertzillako dorretxetik eta Santa Maria elizatik gertu igaroko gara. Anbulatorioa igarota, gure ibilbidea jarraituko dugu, futbol zelaia gure eskuinaldean utziz. Laster hainbat baserri agertuko dira gure bidean belardi eta laborantza soroen artean. Landabasoko industrialdea zeharkatuko dugu abiapuntura itzuli baino pixka bat lehenago.

Ibilbide zaila bere luzera eta malda kontuan hartuta, baso-landaketak ugariak diren Sollube mendilerroko paisaia menditsura hurbilduko gaituena. Bermeo herritik irtengo gara Ormaza kontserba fabrikaren ondotik igaroz Almika auzorako noranzkoan. Arranotegi auzotik hurbil pasa eta ia Garbola mendiaren gailurreraino igoko gara. Burgoa mendira iritsi aurretik Arane auzorantz jaitsiko gara berriro Bermeora itzultzeko.

Ibilbide oso zaila, forma fisiko bikaina izatea eskatzen duena. Ibilbidea, hasieran, Bermeoko Erribera auzorantz doa, eta ondoren Katillotxu, Arribieta eta Munarrinagusi mendien magalaren erdira igoko da. Altzurrakoatxagana mendiaren hego aurpegia inguratuko dugu eta Garbola mendirantz jarraituko dugu. Burgoako muinotik jaitsiko gara eta, ondoren, mendilerro batetik, Bermeoko herrira doan norabiderantz joango gara.